Nun sabía qué comprar pa cenar y compró champiñones y cebolles pa fritir xunto. Tamién compró una botella d'agua pa dir bebiendo camín de casa y quitar la sequedá que davezu tenía na boca.
Esperando pa pagar decatóse d'unos güeyos conocíos que lu miraben con dalgo asemeyao al odiu; o eso foi lo que-y paeció.
Nun supo quien yera ella, tampoco-y dixo nada anque persabía que la conocía.
Escaecióla al mesmu tiempu que salía a la cai dexando escaecío'l paragües nun calderu azul que daquién punxera cabo los carros y que taba enllén d'habitantes d'estremada mena.
No hay comentarios:
Publicar un comentario